21.07.2019, Ekshembi

“Moynaq mineral duzı” JSHJniń imaratı qurıp pitkerildi

Moynak rayonı burınǵı balıq konserva zavodınıń ornında jańadan “Moynaq mineral duzı” juwapkershiligi sheklengen jámiyetiniń imaratı qurıp pitkerildi. Bul haqqında rayon hákimliginiń málimleme xızmeti xabar bermekte.



Áyne payıtta montaj isleri alıp barılıp atırǵan jańa duz islep shıǵaratuǵın mákemeniń jaqın arada iske qosılıwı kútilmekte. 

Bundaǵı maqset jokarı sapalı ekstra duzların islep shıǵarıw hám onı Ózbekstan Respublikası boylap jetkerip beriw, sonday-aq, eksportqa baǵdarlawdan ibarat. 


Kúnine 150 tonna duz islep shıǵaratuǵın kárxanada birinshi basqıshta – ekstra duz hám polipropilin qaplar islep shıǵarıw, ekinshi basqıshta bolsa, merobolit natriy sulfat zavodın alıp kelip ornatıw rejelestirilgen.

Áhmiyetlisi, kárxananıń iske tusiwi menen 150 jańa jumıs ornı jaratıladı. 


Qaraqalpaqstan Respublikası Ministrler Keńesiniń Málimleme xızmeti