21.11.2019, Piyshembi

20 jıllıq ipoteka krediti tiykarında kvartira satıp alıӯdı qáleysiz be?

New Muynak City telegramm kanalı Moynaq rayonında qurılıp atırǵan kóp qabatlı turaq jaylardı jeńilletilgen ipoteka krediti tiykarında satıp alıwshılar ushın tómendegi maǵlıwmatlardı jolladı.



Hurmetli doslar!  Moynaqta zamanagѳy energiya únemleӯshi hám sıpatlı materiallardan qurılıp atırǵan kѳp qabatlı úylerde 2 hám 3 bólmeli kvartiralardı 20 jıllıq ipoteka kreditine,  dáslepki 5 jıl 7 procentten (sonnan 2 jıl tek procent tѳlenedi),  qalǵan jıllarda 16 payızdan satıp alıӯ imkaniyatına iyesiz. Bunnan tısqarı,  baslanǵısh tѳlemi kvartira bahasınıń barı joǵı 10% in quraydı. Kvartira bahaları tѳmendegishe: 

2 bólmeli kvartira – 150, 6 mln.sum

3 bólmeli kvartira – 179, 7 mln.sum

Turaq-jaylardı satıp alıӯ boyınsha Buyırtpashı “Qishloq qurilish invest” IK JSHJ Qaraqalpaqstan Respublikası filialına (mánzil:  Nѳkis qalası,  X.Uluqpan kѳshesi,  59a jay,  baǵdar “Qaraqalpaqgaz” filialı,  tel.:  (0361) 224-05-61,  224-28-30) múrájat etiwińiz múmkin. 

Moynaq rayonındaǵı mánzil:  Moynaq rayonı,  Ájiniyaz kѳshesi,  76-jay,  Moynaq rayonı hákimiyatı. Múrájat ushın telefonlar:  (0361) 322-18-48,  (93) 485-39-29.  

Qaraqalpaqstan Respublikası Ministrler Keńesiniń Málimleme xızmeti