20.09.2019, Juma

Órt boyınsha xalıqaralıq statistika maǵlıwmatları

Qaraqalpaqstan Respublikası Órt qáwipsizligi basqarması órtke karsı úgit-násiyat toparınıń aǵa injeneri, leytenant Aybek Abdiraxmanov bizge Órt boyınsha halıqaralıq stistika maǵlıwmatların jolladı. Álbette, maǵlıwmatlar hámmemizdi sergeklikke shaqıradı.

Órt máseleleri boyınsha xalıqaralıq statistika orayınıń maǵlıwmatlarına karaǵanda, bir jıl dawamında 9 mln, hár bir sutkada 24 650, hár bir saatta 1027, hár bir minutta 17 órt kelip shıǵadı eken.

Al usı payda bolǵan órttiń sebebinen bir jılda 800 000, bir sutkada 2 200, bir minutta 90 adam hár túrli dárejede denesinde kúyik jaraqatın aladı.

Órt nátiyjesinde insanlardıń qaytıs bolıwı statistikası bunnan da qorqınıshlı, bir jılda 100 000, bir sutkada 273, bir saatta 11 adam bul dúnyadan ótedi.

Órt qáwipsizligi qaǵıydalarına ámel etiw, ómirimizdiń qáwipsizligin táminleydi. Órt bul óz-ózinen kelip shıǵatuǵın hádiyse emes oǵan álbette qandayda bir faktor sebeb boladı. Usı faktorlardıń eń tiykarǵısı insannıń abaysızlıǵı esaplanadı. Hám bunıń aqıbetinde joqarıda kórsetilgen qorqınıshlı statistika kelip shıǵadı. Sol sebebli puqaralarımızda órt qáwip sizligi qaǵıydasına ámel etiwin sorap kalamız.

Qaraqalpaqstan Respublikası Ministrler Keńesiniń Málimleme xızmeti