19.06.2019, Sárshembi

Jumısshı topar aǵzaları arqa rayonlardaǵı isbilermenler menen ushırastı

Shımbay rayonında Prezidentimizdiń  2019-jıl 14-maydaǵı  «Isbilermenlik jumısın qollap-quwatlaw hám qorǵaw sistemasın túp-tiykarınan jetilistiriw ilajları haqqında»ǵı  Pármanıda tiykar  Kegeyli, Karaózek, Taxtakópir hám SHımbay rayonlarınıń isbilermenleri menen ushırasıw bolıp ótti. Bul haqqında rayon hákimligi xabar bermekte.



Onda Ózbekstan Respublikası Sawda-Sanaat palatası baslıǵınıń orınbasarı U.Botaev, Ádillik ministrliginiń basqarma baslıǵı A.Turdiev, Qaraqalpaqstan Respublikası Ádillik ministri S.Xudaybergenov hám tiyisli taraw basshıları qatnastı. 

Ushırasıwda isbilermenlerge Prezident pármanınıń mazmun-mánisi keńnen túsindirilip, olardıń usı baǵdardaǵı múrájatları tıńlandı.


Atı atalǵan tórt rayon sheńberinde Jumısshı topar aǵzalarına úreniliwi tiyis bolǵan jámi 21 múrájat kelip tústi hám tiyisli taraw basshılarına usı mashqalalardı bir hápte múddet ishinde sheshiw boyınsha tapsırmalar berildi.




Qaraqalpaqstan Respublikası Ministrler Keńesiniń Málimleme xızmeti