19.05.2019, Ekshembi

M.T.Erniyazov basshılıǵındaǵı delegaciya aǵzaları Qubla Koreyada bolmaqta

Áyne payıtta Qaraqalpaqstan Respublikası Joqarǵı Keńesiniń Baslıǵı M.T.Erniyazovtıń basshılıǵınldaǵı delegaciya aǵzaları Qubla Koreyada bolmaqta. Bul haqqında Joqarǵı Keńestiń Baspasóz xızmeti xabar bermekte.

Bárimizge belgili bolǵanınday, sońǵı jıllarda elimizde Húrmetli Prezidentimiz Sh.M.Mirziyoevtiń basshılıǵında sırt elli investorlar menen birge islesiwdi jolǵa qoyıw hám Respublikamızǵa investiciyalar alıp kiriw baǵdarında nátiyjeli jumıslar ámelge asırılmaqta.


Ekonomikamızdı rawajlandırıw, sonıń ishinde, xalqımızdı turaqlı jumıs orınları menen támiyinlewde hám olardıń turmıs sharayatın jaqsılawda álbette, elimizge kirgiziletuǵın sırt el investiciyalarınıń ornı ayrıqsha áhmiyetke iye.

Delegaciyanıń usı sapar etiw sheńberinde Gvanju qalasınıń meri, Gvanju Sawda-sanaat Palatasınıń basshıları hám Koreya rawajlanıw institutınıń baslıǵı menen ushırasıwı hám usı bilimlendiriw mákemesindegi xızmetkerlerdiń jumısı menen sonday-aq, «Chonnam» milliy universiteti emlewxanasındaǵı sharayatlar menen tanısıwı belgilengen.

Sonıń menen birge, aymaǵımızǵa tikkeley sırt el investiciyaların tartıw máseleleri boyınsha delegaciyanıń «Caris», «Hwachon Plant Construction», «Noroo Paint», «Myung Sung Placon» hám «Shung Design Group» sıyaqlı iri kompaniyalardıń basshıları menen ushırasıp, óz-ara birge islesiw boyınsha bir qatar kelisimlerge erisiliwi de kútilmekte.


Qaraqalpaqstan Respublikası Ministrler Keńesiniń Málimleme xızmeti