21.01.2019, Dúyshembi

Qaraqalpaqstan Respublikası Joqarǵı Keńesi Daǵaza járiyalaydı


Qaraqalpaqstan Respublikası Joqarǵı Keńesi mámleketlik basqarıw uyımları hám xojalıq júrgiziwshi subektler, jergilikli atqarıw hákimiyatı hám basqada shólkemlerde islewshi jetekshilik qábileti hám basqarıw uqıbına iye perspektivalı kadrlardı tańlap alıw hám olardı qollap-quwatlaw, sonday-aq, basshı lawazımlar ushın kadrlar rezervin qáliplestiriw maqsetinde tańlaw ótkeriletuǵınlıǵın járiyalaydı.

Tańlaw tórt basqıshta bolıp ótedi.

1-basqısh - dáslepki úyreniw;

2-basqısh - test sınaqları;

3-basqısh - jumıs úyreniw (stajirovka);

4-basqısh - sáwbetlesiw.

Tańlawǵa joqarı maǵlıwmatlı, tiyisli tarawda basshı lawazımda keminde eki jıl is tájiriybesine iye hám turaqlı túrde jumıs islep kiyatırǵan 25 jastan 45 jasqa shekemgi Ózbekstan Respublikası puqaraları qatnasadı.

Tańlaw jeńimpazları xoshametlenedi hám basshı lawazımlardıń kadrlar rezervine kirgizilip, tiyisli tarawlar boyınsha basshı lawazımlarǵa tayınlanıp barıladı.

Tańlawda qatnasıwshılardıń arzaları 2019-jıldıń 1-yanvarınan 1-fevral aralıǵında Qaraqalpaqstan Respublikası Joqarǵı Keńesinde qabıl etiledi.

Tańlawda qatnasıw haqqındaǵı arzaǵa tómendegi hwjjetler qosımsha qılınadı:

- maǵlıwmatnama;

- pasport nusqası;

- miynet dáptershesi nusqası;

- jumıs ornınan minezleme (sońǵı);

- diplomnıń nusqası, egerde shet elde oqıǵan bolsa, nostrifikaciyadan ótkerilgenligin tastıyıqlawshı gúwalıq.

 

Maǵlıwmat ushın telefon 222-74-77