15.11.2018, Piyshembi

Dıqqat! Biypul kompyuter kurslarına márhámát


    “Jaslar - keleshegimiz” mámleketlik baǵdarlamasınıń orınlanıwın nátiyjeli shólkemlestiriw maqsetinde Ózbekstan Respublikası Málimleme texnologiyaların hám kommunikaciyaların rawajlandırıw ministrligi - Qaraqalpaqstan Respublikasındaǵı 18 jastan 

    30 jasqa shekemgi bolǵan jámlespegen jaslardıń málimleme-kommunikaciya tarawındaǵı bilim hám kóńlikpelerin arttırıwǵa qaratılǵan qánigelestirilgen biypul kompyuter kurslarına mirát etedi.

    Kompyuter sawatxanlıǵı, kompyuter ustashılıǵı, grafikalıq súwretlew dizayneri hám zamanagóy Web-baǵdarlamalaw tilleri boyınsha shólkemlestirilgen usı oqıw kurslarında oqıwdı qálewshi jaslar Ózbekstan Respublikası Málimleme texnologiyaların hám kommunikaciyaların rawajlandırıw ministrliginiń Qaraqalpaqstan Respublikası aymaqlıq basqarmasına múrájat etiwińizge boladı.

    Joqarıda atap ótilgen oqıw kursları: 

    kompyuter sawatxanlıǵı – 24 saat;

    kompyuter ustashılıǵı – 24 saat;

    grafikalıq súwretlew dizayneri – 48 saat;

    zamanagóy Web-baǵdarlamalaw tilleri – 48 saat etip belgilengen.

    Oqıw kursları 2018-jıldıń 1-noyabrinen baslap Tashkent informaciyalıq texnologiyaları universiteti Nókis filialı imaratınıń arnawlı xanalarında alıp barıladı.

    Áhmiyetli tárepi, usı oqıw kursların tamamlaǵan barlıq jaslar arnawlı sertifikatlar menen sılıqlanadı.

    Házirgi waqıtta usı oqıw kurslarında oqıwdı qálewshi jaslardı dizimge alıw jumısları dawam etpekte.

    Dizimnen ótiw ushın aymaqlıq basqarmanıń depnukus@mitc.uz elektron mánziline hám (861) 222-14-52 telefon nomerlerine múrájat etiwińizge boladı.


    Ózbekstan Respublikası Málimleme texnologiyaların hám kommunikaciyaların rawajlandırıw ministrliginiń Qaraqalpaqstan Respublikası aymaqlıq basqarması