15.11.2018, Piyshembi

Mámleketlik xızmetler agentligi Qaraqalpaqstan Respublikası basqarması málimleme járiyalaydı


Ózbekstan Respublikası Ádillik ministrligi janındaǵı  Mámleketlik xızmetler agentligi Qaraqalpaqstan Respublikası basqarması tómendegilerdi málimleydi.

Nókis qalası hám rayonlar mámleketlik xızmetler orayları tárepinen yuridikalıq hám fizikalıq shaxslarǵa házirgi kúnde 100 turdegi mámleketlik xızmetler kórsetilip,  hár kúni oraylarda 3000 ge shamalas mámleketlik xızmetler kórsetilip kelinbekte.

Bul óz gezeginde oraylarǵa ortasha 1500 den aslam puqaralar mámleketlik xızmetlerden paydalanıp hám máslahatlar alıw ushın kelip atırǵanlıǵın bildiredi. 

Sonlıqtan usı yuridikalıq hám fizikalıq shaxslarǵa ózińiz basqarıp atırǵan mekeme,  shólkem hám kárxanalar tárepinen kórsetilip atırǵan xızmetler,  jeńilliklerdı,  shártnama tiykarında (tólemli) oray imaratında jaylasqan teleekranlarda ózińiz tárepten islep shıǵılǵan video roliklerińizdi efirge uzatıw,  stentlerińizdi,  óz reklama bannerlerińizdi jaylastırıw mumkinshiligi bar. 

Joqarıdaǵılardan kelip shıǵıp jaratılǵan imkaniyatlardan paydalanıwdı qáleseńiz Nókis qalası,  Xojeli,  Qońırat,  Tórtkúl,  Beruniy,  Ámiwdárya,  Nókis rayonlarında video roliklerińizdi hám reklamalarıńızdı,  basqa da mámleketlik xızmetler oraylarına reklamalarıńızdı jaylastırıw imkaniyatı bar ekinligin málim etip bildiremiz. 


Maǵlıwmat ushın telefonlar:  

(61) 224-66-46;  (61) 224-78-48;  (61) 224-66-17; 


Qaraqalpaqstan Respublikası Ministrler Keńesiniń Málimleme xızmeti