22.09.2019, Yakshanba

Qoraqalpog'iston Respublikasi Vazirlar Kengashi Raisining o'rinbosari - xotin-qizlar qo'mitasi raisi




 Ibragimova Zuxra Ametovna

Manzil:

 Nukus shahri G'arezsizlik ko'chasi  50 uy

Telefon:

 0 (361) 222-05-16

 E-хат:

z.ibragimova@exat.uz

 E-mail:

 

Qabul kunlari:

 Chorshanba, soat 10:00 - 12:00















Vazirlar Kengashi Raisining o`rinbosari – Xotin-qizlar qo`mitasi raisining funktsional vazifalari to`g`risida

N I Z O M

1-bob. Umumiy qoidalar

 

1. Ushbu Nizom Qoraqalpog`iston Respublikasi Vazirlar Kengashi Raisining o`rinbosari – Xotin-qizlar qo`mitasi raisining funktsional vazifalarini belgilaydi.

2. Qoraqalpog`iston Respublikasi Vazirlar Kengashi Raisining o`rinbosari – Xotin-qizlar qo`mitasi raisi Qoraqalpog`iston Respublikasi Jo`qorg`i Kengesi Raisi va Vazirlar Kengashi Raisiga hisobot beradi.

3. Vazirlar Kengashi Raisining o`rinbosari – Xotin-qizlar qo`mitasi raisi (keyingi o`rinlarda kompleks rahbari deb ataladi) o`z faoliyatida O`zbekiston Respublikasi va Qoraqalpog`iston Respublikasi Konstitutsiyalari va qonunlariga, O`zbekiston Respublikasi Oliy Majlisi palatalarining qarorlariga va boshqa hujjatlariga, O`zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, Qoraqalpog`iston Respublikasi Jo`qorg`i Kengesining qarorlari va boshqa hujjatlariga, Qoraqalpog`iston Respublikasi Vazirlar Kengashining qarorlari va farmoyishlariga, shuningdek mazkur Nizomga amal qiladi.

4. Kompleks rahbari kompleksda ishlarning talab darajasida tashkil etilishi uchun javob beradi, tegishli davlat va xo`jalik boshqaruvi organlari, tashkilotlarning faoliyati muvofiqlashtirilishi va nazorat qilinishini, Kompleksning faoliyatiga kiradigan masalalar bo`yicha Vazirlar Kengashiga kiritilgan takliflar va hujjatlar loyihalarining har tomonlama ko`rib chiqilishini ta`minlaydi.

5. Kompleks rahbarining faoliyati xotin-qizlar huquqlari va manfaatlarini himoya qilishga, ularning ijtimoiy-huquqiy va ijtimoiy-siyosiy faolligini oshirishga, onalik va bolalikni muhofaza qilishga, oilalarda ijtimoiy-ma`naviy muhitni sog`lomlashtirishga, ayollarni ishga joylashtirishga va ularning ijtimoiy va mehnat huquqlarini ta`minlashga yo`naltirilgan.

6. Kompleks rahbari maqomiga ko`ra Qoraqalpog`iston Respublikasi Hukumatining a`zosi hisoblanadi.

Kompleks rahbari Qoraqalpog`iston Respublikasi Vazirlar Kengashi va uning Rayosati majlislarida bevosita ishtirok etadi.

 

 

2-bob. Rais o`rinbosarining vazifalari va funktsional majburiyatlari

 

7. Quyidagilar kompleks rahbarining asosiy vazifalari hisoblanadi: a) xotin-qizlarning huquqlari va manfaatlarini muhofaza qilish, ularning ijtimoiy-huquqiy va ijtimoiy-siyosiy faolligini oshirish sohasida: xotin-qizlarning maqomini, ma`naviy va intellektual salohiyatini oshirish, ularning huquqlari va manfaatlari muhofaza qilinishini ta`minlash, oilada va jamiyatda huquqiy madaniyat rolini oshirish; davlat va jamoatchilik organlarini jalb etgan holda yosh oilalarni ijtimoiy qo`llab-quvvatlash, ular uchun munosib hayotiy sharoitlar yaratish sohasida kompleks tadbirlarni amalga oshirish bo`yicha tizimli ishlarni tashkil etish; xotin-qizlar masalalari bo`yicha normativ-huquqiy hujjatlar loyihalarini ishlab chiqishda, ularning mohiyati va ahamiyatini targ`ib qilish va tushuntirishda, ularning bajarilishi yuzasidan jamoatchilik nazoratini yo`lga qo`yishda faol ishtirok etish; qizlarning ijodiy va intellektual salohiyatini aniqlash, rivojlantirish va rag`batlantirish, talantli, iqtidorli qizlar zaxirasi bilan tizimli ishlarni tashkil etish maqsadida Zul`fiya nomidagi Davlat mukofotiga nomzodlarni tayyorlash tizimini takomillashtirish, Zul`fiya nomidagi Davlat mukofoti bo`yicha hududiy komissiyalar faoliyatini takomillashtirish va muvofiqlashtirish; amaliy ishlarda tajribaga ega bo`lgan tashabbuskor qizlar orasidan kadrlar zaxirasini shakllantirish va tegishli rahbarlik lavozimlariga ularning nomzodlarini tavsiya etish tizimini yo`lga qo`yish; xotin-qizlarning nodavlat notijorat tashkilotlari faoliyati shaffofligini ta`minlash, ularning mamlakatning ijtimoiy-siyosiy va ijtimoiy-iqtisodiy hayotidagi faol ishtirokiga ko`maklashish hamda faoliyatini muvofiqlashtirish; xotin-qizlar qo`mitalari va fuqarolik jamiyati institutlari, davlat hokimiyati va boshqaruvi organlari o`rtasida xotin-qizlarning huquqlari va manfaatlarini, ularning oilalarini muhofaza qilish ishlarida ijtimoiy sheriklikni kengaytirish, xotin-qizlarga manzilli ijtimoiy yordam berish bo`yicha ishlarni tashkil etish; xalqaro tashkilotlar va xorijiy tashkilotlar bilan o`zaro manfaatli aloqalarni rivojlantirish, turli loyihalarni amalga oshirish ko`lamlarini kengaytirish; b) onalik va bolalikni muhofaza qilish, oilalarda ijtimoiy-ma`naviy muhitni sog`lomlashtirish sohasida: onalik va bolalikni muhofaza qilish sohasidagi normativ-huquqiy hujjatlarning bajarilishini ta`minlashda faol qatnashish, ularni takomillashtirish bo`yicha takliflar tayyorlash; xotin-qizlar, eng avvalo, onalar va bolalarning sog`lig`i muhofaza qilinishini ta`minlash, xotin-qizlar o`rtasida sog`lom turmush muhitini, turmush madaniyatini shakllantirish, ularning reproduktiv salomatligini mustahkamlash, tibbiy madaniyatini oshirish, patronat tizimini rivojlantirish ishlarini takomillashtirish; oilaviy va xotin-qizlar sportini rivojlantirish, ularni ommalashtirish bo`yicha tadbirlar kompleksini ishlab chiqish va amalga oshirish; oilalarda ijtimoiy-ma`naviy muhitni sog`lomlashtirish, xotin-qizlarning hamda jamiyatda hurmatga va katta nufuzga ega bo`lgan keksalarning hayotiy tajribasini faol jalb etgan holda oilaviy ajralishlarni bartaraf etish bo`yicha ishlarni tashkil etish, namunali oilalarning hayotiy namunasini targ`ib qilish; oilaviy munosabatlarni sog`lomlashtirish, oila institutini mustahkamlash, nikoh shartnomalarining xususiyatlari va shartlari, farzandlar tarbiyasi uchun ota-onalarning bevosita mas`uliyati, qizlarni oilaviy hayotga tayyorlash bilan bog`liq tizimli targ`ibot tadbirlarini yo`lga qo`yish; mahallalarda ayollar va yoshlar ishtirokida ma`naviyatni oshirish, ularni “ommaviy madaniyat”ning salbiy ta`siridan, milliy ongimizga xos bo`lmagan diniy separatizm, ekstremizm va terrorizm, odamlar savdosi va boshqa yot g`oyalardan muhofaza qilish; har tomonlama kamol topayotgan yosh avlodni vatanparvarlik, bag`rikenglik, ertangi kunga ishonch va atrofda sodir bo`layotgan hodisalarga daxldorlik ruhida tarbiyalash, yoshlarning mustaqil dunyoqarashini, kuchli ichki salohiyatini, milliy faxrlanish tuyg`usini va axloqiy-ma`naviy immunitetini shakllantirish; v) xotin-qizlarni ishga joylashtirish, ularning ijtimoiy va mehnat huquqlarini ta`minlash sohasida: bandlik dasturi doirasida xotin-qizlarni, ayniqsa kasb-hunar kollejlari bitiruvchilarini ishga joylashtirishga ko`maklashish, ular bandligining sifati, doimiy ish o`rin bilan ta`minlanganligi yuzasidan amaliy nazoratni yo`lga qo`yish; xotin-qizlarning mehnat huquqlarini muhofaza qilish bo`yicha ishlarning holatini o`rganish va nazorat qilish, norasmiy ish bilan bandlikning oldini olish, mehnat munosabatlari, shu jumladan homilador ayollarga hamda kichik yoshdagi bolalari bo`lgan ayollarga qo`shimcha imtiyozlar berishda davlat va nodavlat tashkilotlarining mustahkam hamkorligini yo`lga qo`yish; tadbirkorlik faoliyati bilan shug`ullanishni xohlaydigan ayollarni har tomonlama qo`llab-quvvatlash, ularga imtiyozli kreditlar ajratishda ko`maklashish, berilgan imtiyozlarni to`g`ri qo`llanish masalalarini tartibga soluvchi, davlat ro`yxatidan va boshqa tartibotlardan o`tish, mehnat munosabatlariga kirishish bo`yicha qonunchilik hujjatlari yuzasidan tushuntirishlar olishda ularga yordam berish. 8. Kompleks rahbari o`z zimmasiga yuklangan vazifalarga muvofiq quyidagi funktsiyalarni amalga oshiradi: O`zbekiston Respublikasi Prezidenti Devonining tegishli xizmatlari, Vazirlar Mahkamasi va Qoraqalpog`iston Respublikasi Jo`qorg`i Kengesi bilan xotin-qizlarga oid masalalari bo`yicha o`zaro hamkorlik qiladi; Qoraqalpog`iston Respublikasi Jo`qorg`i Kengesi Raisi va Vazirlar Kengashi Raisining topshiriqlariga binoan Qoraqalpog`iston Respublikasining tegishli hududlarida ijtimoiy-iqtisodiy rivojlantirish, iqtisodiy islohotlarning ustuvor vazifalari va dasturlari bajarilishini muvofiqlashtirib boradi; Vazirlar Kengashi Raisining o`rinbosari – Xotin-qizlar qo`mitasi raisining kotibiyatiga bevosita rahbarlik qiladi; mutasaddilik qilinadigan tashkilotlar, shuningdek hududlar va boshqa tashkilotlarning o`zi mutasaddilik qiladigan masalalar bo`yicha faoliyatini muvofiqlashtiradi va nazorat qiladi; Kompleks tarkibiga kiruvchi tashkilotlarning kadrlarini tanlash, joy-joyiga qo`yish, tayinlash va vazifasidan ozod etish bo`yicha kompleks chora-tadbirlarni bajarishda respublika hamda markaziy tuzilmalar rahbariyati bilan hamkorlik qiladi; O`z vakolati doirasida O`zbekiston Respublikasi va Qoraqalpog`iston Respublikasi hukumat organlarida Vazirlar Kengashidan vakillik qiladi; Qoraqalpog`iston Respublikasi

Vazirlar Kengashi Raisining o`rinbosari – Xotin-qizlar qo`mitasi raisining kotibiyat mudiri va bosh mutaxassisini qayta tayyorlash, ularning malakasini oshirish, ularni rag`batlantirish hamda ularga nisbatan intizomiy jazo choralarini qo`llash to`g`risida Vazirlar Kengashi Raisiga takliflar kiritadi;

Qoraqalpog`iston Respublikasi Vazirlar Kengashi Raisining o`rinbosari – Xotin-qizlar qo`mitasi raisining kotibiyat mudiri va bosh mutaxassisi lavozimlariga kadrlar zaxirasini shakllantirish ishlarini tizimli asosda tashkil qiladi.

9. Qoraqalpog`iston Respublikasi Vazirlar Kengashi Raisi va Vazirlar Kengashi Raisining o`rinbosari boshchilik qiladigan komissiyalar (kengashlar) faoliyatini, shuningdek ularning qarorlari bajarilishini tashkil etish yuzasidan nazoratni ta`minlaydi.

 

3-bob. Kompleks rahbarining huquqlari va javobgarligi

 

10. Kompleks rahbari o`ziga yuklangan vazifalar va funktsiyalarni bajarish uchun quyidagi huquqlarga ega:

Vazirlar Kengashida ko`rib chiqiladigan masalalarni tahlil qilish va tayyorlash uchun zarur bo`lgan materiallar va ma`lumotlarni davlat va xo`jalik boshqaruvi organlari, mahalliy ijro etuvchi hokimiyat organlaridan hamda boshqa organlar va tashkilotlardan belgilangan tartibda so`rash va olish;

davlat va xo`jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari va vakillari ishtirokida yig`ilishlar o`tkazish;

mutasaddilik qilinadigan vazirliklar, davlat qo`mitalari va idoralar, davlat va xo`jalik boshqaruvi organlari kollegial organlarining majlislarida, shuningdek Qoraqalpog`iston Respublikasi Jo`qorg`i Kengesi Raisi va Vazirlar Kengashi Raisining topshiriqlari bo`yicha – davlat boshqarish organlarining, nodavlat notijorat tashkilotlarining va boshqa tashkilotlarning Kompleks boshqaradigan sohaga kiruvchi masalalar bo`yicha o`tkaziladigan majlislari va yig`ilishlarida qatnashish;

davlat va xo`jalik boshqaruvi organlari, ilmiy muassasalar va boshqa tashkilotlar rahbarlari va vakillarini Vazirlar Kengashida ko`rib chiqiladigan masalalarni ishlab chiqish uchun belgilangan tartibda jalb etish, tegishli masalalar bo`yicha vaqtinchalik ishchi guruhlar tuzish;

«Qoraqalpog`iston Respublikasi Vazirlar Kengashi to`g`risida»gi Qoraqalpog`iston Respublikasi Qonuni talablari buzilgan holda tushadigan hujjatlarni qaytarish;

Kompleks rahbarining zarur materiallar, ma`lumotlarni taqdim etish, shuningdek O`zbekiston Respublikasi va Qoraqalpog`iston Respublikasi qonunlari, O`zbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va boshqa hujjatlari, Qoraqalpog`iston Respublikasi Jo`qorg`i Kengesining qarorlari va boshqa hujjatlari, Qoraqalpog`iston Respublikasi Vazirlar Kengashining qarorlari va farmoyishlari loyihalarini puxta ishlab chiqish bo`yicha talablari va topshiriqlari belgilangan muddatlarda bajarilishini ta`minlash uchun mas`ul.

Kompleks rahbari tomonidan kompleksga tegishli masalalar bo`yicha vazirliklar, davlat qo`mitalari, idoralar, xo`jalik birlashmalari, korxonalar va boshqa tashkilotlar rahbarlariga belgilangan topshiriqlari belgilangan tartibda va muddatlarda bajarilishi majburiydir.

11. Kompleks rahbari:

zimmasiga yuklangan vazifalarning zarur darajada va sifatli bajarilishi uchun;

O`zbekiston Respublikasi va Qoraqalpog`iston Respublikasi qonunlarining, O`zbekiston Respublikasi Oliy Majlisi palatalarining qarorlari va boshqa hujjatlarining, O`zbekiston Respublikasi Prezidenti farmonlari, qarorlari, farmoyishlari va topshiriqlarining, Vazirlar Mahkamasi, Qoraqalpog`iston Respublikasi Jo`qorg`i Kengesi va Vazirlar Kengashi rahbariyatining topshiriqlarining xotin-qizlar masalalari bo`yicha kompleksi tarkibiga kiradigan davlat va xo`jalik boshqaruvi organlari, tashkilotlar tomonidan o`z vaqtida va sifatli bajarilishini ta`minlash uchun;

Kompleksga tarkibidagi tegishli vazirlik va idoralar tomonidan Vazirlar Mahkamasining «Ijro intizomini mustahkamlash chora-tadbirlari to`g`risida»gi 1999 yil 12 yanvardagi 12-sonli qaroriga muvofiq ijro intizomining ta`minlanishi va mustahkamlanishi uchun shaxsan javob beradi.

 

4-bob. Kompleks rahbari faoliyatini tashkil etish

 

12. Kompleks rahbarining ishlari «Qoraqalpog`iston Respublikasi Vazirlar Kengashi to`g`risida»gi Qoraqalpog`iston Respublikasi Qonuniga, ushbu Nizomga, O`zbekiston Respublikasi Prezidentining, O`zbekiston Respublikasi Vazirlar Mahkamasining, Qoraqalpog`iston Respublikasi Jo`qorg`i Kengesi va Vazirlar Kengashining topshiriqlariga muvofiq, shuningdek Vazirlar Kengashining ish rejalari hamda xotin-qizlar masalalari bo`yicha kompleksining ish rejasi asosida tashkil etiladi.

Kompleksning ish rejasi kompleks rahbari tomonidan tasdiqlanadi.

13. Kompleks rahbarining O`zbekiston Respublikasi va Qoraqalpog`iston Respublikasi qonunlarining, O`zbekiston Respublikasi Prezidenti farmonlari, qarorlari va farmoyishlarining, Hukumat qarorlarining mutasaddilik qilinadigan davlat va xo`jalik boshqaruvi organlarida, tashkilotlarda mahalliy ijro etuvchi hokimiyat organlarida amalga oshirilishi tizimli monitoringini ta`minlash bo`yicha faoliyati Vazirlar Kengashining ish rejasiga, shuningdek Vazirlar Kengashi Raisining topshiriqlariga muvofiq kompleks o`rganishlarni amalga oshirish yo`li bilan, Vazirlar Kengashining (Rayosati) majlislarida xotin-qizlar masalalari kompleksi hisobotlarini eshitgan holda tashkil etiladi.

 

5-bob. Qoraqalpog`iston Respublikasi Vazirlar Kengashi Raisining o`rinbosari – Xotin-qizlar qo`mitasi raisi tomonidan ishlari tashkil qilinadigan komissiyalar va kengashlar:

 

O`zbekiston Respublikasi Prezidentining 2004 yil 25 maydagi «O`zbekiston xotin-qizlar qo`mitasini qo`llab-quvvatlashga doir qo`shimcha chora-tadbirlar to`g`risida»gi PF-3434-sonli Farmonini bajarish chora-tadbirlar dasturini amalga oshirishini muvofiqlashtirish bo`yicha Qoraqalpog`iston Respublikasida doimiy ishlaydigan komissiya;

2014-2018 yillarda O`zbekistonda aholining reproduktiv salomatligini mustahkamlash, onalar, bolalar va o`smirlar sog`lig`ini muhofaza qilish borasidagi Davlat dasturini Qoraqalpog`iston Respublikasida amalga oshirish bo`yicha komissiyasi

Zulfiya nomidagi davlat mukofotiga nomzodlarni tavsiya etish bo`yicha Qoraqalpog`iston Respublikasi komissiyasi;

Qoraqalpog`iston Respublikasi Vazirlar Kengashi huzuridagi insoniylik va gumanitar yordamlar bo`yicha komissiyasi ishlarini tashkil qiladi.