22.09.2020, Сийшемби

15-май – Халықаралық шаңарақ күни

Қарақалпақстан Республикасы Мəҳəлле ҳəм шаңарақты қоллап қуўатлаў министрлиги берген мағлыўматқа көре бүгинги күнде Республикамыздағы 413 пуқаралардың өзин-өзи басқарыў  (МПЖ, АПЖ, ППЖ) органларында жəми 412 мың 263 шаңарақ ағзалары жасап келмекте.



Халықаралық шаңарақ күни Бирлескен Миллетлер шөлкеминиң 1993-жыл 20-сентябрьдеги жалпы жыйналысы қарарына муўапық пүткил дүньяда белгиленип киятырғанын атап өтиў орынлы.

Сондай-ақ, Ɵзбекстан Республикасы Президентиниң 2020-жыл 18-февралдағы ПП-5938-санлы пəрманы менен тастыйықланған “Абат ҳəм қəўипсиз мəҳəлле” принципине тийкарланған системаны нəтийжели енгизиў бойынша “Жол картасы”ның 19-бəнтинде 15-май – Халықаралық шаңарақ күнин “Шаңарақ муқаддес” сүрени астында жоқары дəрежеде өткериў белгиленген.

Усы тийкарда Қарақалпақстан Республикасы Министрлер Кеңесиниң 2020-жыл 11-май күнги “15-май Халықаралық шаңарақ күни мүнәсибети менен “Шаңарақ муқаддес” сүрени астындағы илажларды әмелге асырыў ҳаққында”ғы арнаўлы баянламасы қабыл етилди.

Баянлама тийкарында 2020-жылдың 11-16-май күнлери Республикалық Ғалаба хабар қуралларында шаңарақлық қəдириятларды беккемлеўге қаратылған көркем, ҳүжжетли, мультипликациялық фильмлер, театр спектакллери ҳəм роликлер, үлгили шаңарақлардан репортажлар, сондай-ақ, “Ибратлы шаңарақ” сыяқлы Республикалық таңлаўлар шөлкемлестирилмекте.

Мағлыўмат орнында: “Шаңарақ муқаддес” сүрени астындағы илажлар 2020-жылдың декабрь айына шекем даўам етеди.


Қарақалпақстан Республикасы Министрлер Кеңесиниң Мəлимлеме хызмети


👉 Каналға ағза болыў - @QresMinistrlerKenesi